कविराज भट्ट
नाबिजि अन्तर धम धमकार
धम धमकार भया अपतार
ढकनाका गिणुवामाइ मेदानी उपजि
बीचका गिणुवामाइ सर्कलोक उपजि
टुपाका गिणुवामाइ सर्कलोक उपज्या
छिटामिटा पडिबरे मेर मन्दिर उपज्यो
रगतकि नन्दिको गंगा जमुना उपज्यो
परेवा नजरले चन्द्र सूर्य ज्योतीले भरिया
रथले भरिया तपले भरिया
काँ रे उब्ज्या लोली काँ रे मयासर
सुनका गिणुवा भितर च्यौती मयासर उब्ज्या
तिल बोट सौ बोट लोली गौरा उब्ज्या
कहाँ रे उबजिया शिवलिङ्ग देवा
कहाँ रे उबजिया श्री केदार देवा
गोफा जति उपजिया श्री केदार देवा
काँ रे उपजिया श्री भूमिराज देवा
भूीम फुटी उपजिया भूमिराज देवा
कहाँ उबजी गया निंलाशैनी माय
कहाँ उबजी गाया महारुद्र देवा
उब्ज्या गुसाइ भूमिराज दियडा भरिया
होमले भरिया फूलले भरिया
धुपलेभरिया कहाँ रे उबजिया जगन्नाथ देवा
गोफा उब्ज्या जगन्नाथ जज्ञले भरिया
हुमले भरिया कहाँ रे उबजिया हुनैनाथ देवा
औता लेक उबजिया हुनैनाथ देवा
शालिकराम उबििजया बासुलिङ्ग देवा
राता काडा उबजिया रतौड्या देवा
काठमडि उबजिया कडमड्या देवा
बेदकोट उबजिया बैजनाथ देवा
सिद्धनाकोट उबजिया सिद्धनाथ देवा
तैँतिस कोठा उबजिया तेत्तिस कोटी देवा
पंच कोठा उबजिया पञ्चकोटी देवा
क्रमशः
Add A Comment